नागरिका एक्स्पोर्टस् कंपनीत रक्तदान शिबीर

• कामगार व कर्मचाऱ्यांनी रक्तदान करून जपली सामाजिक बांधिलकी
कोल्हापूर • प्रतिनिधी
     यवलूज (ता. पन्हाळा) येथील नागरिका एक्स्पोर्टस् लिमिटेड कंपनीमध्ये रक्तदान शिबीर झाले. २६५ कामगार व कर्मचाऱ्यांनी उत्स्फूर्तपणे रक्तदान करून सामाजिक बांधिलकी जपली.
     जिल्ह्यात कोरोनामुळे गंभीर परिस्थिती आहे. काहीवेळा रुग्णांसाठी रक्ताचा तुटवडा जाणवत आहे. अशावेळी सामाजिक बांधिलकी म्हणून नागरीका कंपनी आणि जीवनधारा ब्लड बँकेच्यावतीने संयुक्तपणे यवलूज येथे रक्तदान शिबीर घेण्यात आले.  रक्तदान हेच श्रेष्ठदान याची प्रचिती देत २६५  कामगार आणि कर्मचाऱ्यांनी रक्तदान करुन उत्स्फूर्त प्रतिसाद दिला.
     या शिबिरासाठी कंपनीचे प्रेसिडेंट आर. एन. एम्प्रान, उपसरव्यवस्थापक शिवरतन पराशर यांचे मार्गदर्शन लाभले. कंपनीचे वरिष्ठ व्यवस्थापक संग्राम भोसले, उपव्यवस्थापक संतोष संकपाळ यांनी संयोजन केले. कामगार युनियनचे अध्यक्ष दिलीप मिसाळ, पिंटू रामाणे यांच्यासह अन्य कामगार पदाधिकारी यांचेही सहकार्य लाभले.

Leave a Reply

Your email address will not be published. Required fields are marked *