श्वेतक्रांतीचे जनक स्व.डॉ.वर्गीस कुरियन यांना गोकुळ परिवाराकडून अभिवादन

Spread the love

कोल्हापूर • प्रतिनिधी
     श्वेतक्रांतीचे जनक स्व.डॉ.वर्गीस कुरियन यांच्या जन्‍मशताब्‍दीनिमित्‍त गोकुळतर्फे अभिवादन करण्यात आले. हा दिवस राष्‍ट्रीय दुग्ध दिन म्‍हणून साजरा केला जातो. गोकुळ संघाच्या ताराबाई पार्क कार्यालयामध्ये संघाचे चेअरमन विश्‍वास पाटील यांच्या हस्ते डॉ. वर्गीस कुरियन यांच्‍या प्रतिमेचे पूजन करून त्यांना जिल्ह्यातील दूध उत्पादक व कर्मचाऱ्यांच्यावतीने त्यांच्या स्मृतींना उजाळा देण्यात आला. यावेळी मुंबई येथे झालेल्‍या २६/११/२००८ च्‍या दहशतवादी हल्‍यातील वीरमरण पावलेल्‍या शुरविरांनाही गोकुळ परिवाराकडून आदरांजली वाहण्‍यात आली.
       यावेळी बोलताना संघाचे चेअरमन विश्‍वास पाटील म्‍हणाले की, श्वेतक्रांतीचे जनक आणि डॉ. वर्गीस कुरियन यांची १०० वी जयंती आहे. तसेच २०१४ पासून हा दिवस राष्ट्रीय दुग्ध दिन म्हणूनही साजरा केला जातो. डॉ. कुरियन यांना श्रद्धांजली म्हणून आणि त्यांचे कार्य आणि त्यांच्या जीवनपद्धतीचे स्मरण म्हणून विविध कार्यक्रमाचे त्यांच्या जन्मशताब्दी सोहळ्याचा एक भाग म्हणून देशभरात सायकल रॅली, वॉकथॉनचे आयोजन केले गेले आहे. २६ नोव्हेंबर २०२१ हा दिवस, देशातील डेअरी सहकारी संरचनेच्या विकासात डॉ. वर्गीस कुरियन यांच्या अतुलनीय योगदानाची दखल घेऊन कृतज्ञता आणि प्रामाणिक कौतुक व्यक्त करण्यासाठी आपण हा कार्यक्रम घेत आहोत. त्यानुसार, नेहमीच सहकारातील संस्था मजबुतीकरणावर भर दिला. कारण संस्थेचा आर्थिक पाया भक्कम असल्याशिवाय दूध उत्पादकांना जास्तीत जास्त लाभ करून देता येणे शक्य नाही, याकरिता त्यांनी नेहमीच गोकुळसारख्या संस्थांना मार्गदर्शन केले. त्यांच्या विचाराने चाललेल्या गोकुळची आर्थिक परिस्थिती नेहमीच भक्कम राहिलेली आहे. डॉ.कुरियन यांचा ग्रामीण दूध उत्पादक शेतकऱ्यांवर प्रचंड विश्वास होता. दूध उत्पादक शेतकरी कधीही कर्ज बुडवणारा नाही याची त्यांना खात्री होती म्हणूनच त्यांनी सहकारी संस्थेच्या माध्यमातून दूध उत्पादक शेतकऱ्यांना सहकार्य करण्याची भावना ठेवली. त्यामुळेच गोकुळसारखा संघ आज यामध्ये आघाडीवर आहे.
     यावेळी स्वागत व प्रास्ताविक संघाचे कार्यकारी संचालक योगेश गोडबोले यांनी केले. संचालक अरूण डोंगळे यांनी मनोगत व्‍यक्‍त केले तर आभार संचालक बाबासाहेब चौगले यांनी मानले.
     यावेळी गोकुळचे संचालक अजित नरके, नंदकुमार ढेगे, बाबासाहेब चौगले, प्रकाश पाटील, बयाजी शेळके, बाळासो खाडे, श्रीमती अंजना रेडेकर, बोर्ड सेक्रेटरी एस. एम. पाटील, डेअरी व्‍यवस्‍थापक अनिल चौधरी, व्यवस्थापक प्रशासन डी.के.पाटील, इतर अधिकारी व कर्मचारी उपस्थित होते.
——————————————————-
 Attachments areaReplyForward
Advertisement

Leave a Reply

Your email address will not be published. Required fields are marked *

error: Content is protected !!