गोकुळने दुग्ध व्यवसायाला संघटीत स्वरूप देऊन शेतकऱ्यांना आर्थिक स्थैर्य दिले: आ. विक्रमसिंह सावंत

Spread the love


कोल्हापूर • प्रतिनिधी
     महाराष्ट्र राज्यातील सहकारातील पहिल्या क्रमांकाच्या गोकुळ दूध संघाने दूध उत्पादक शेतकऱ्यांसाठी निर्माण केलेल्या विविध योजना आणि सोयी सुविधांमुळे शेतकऱ्यांचा फायदा होत आहे. त्यातून पारंपारिक दुग्ध व्यवसायाला व्यवसायिक स्वरूप देऊन  गोकुळ दूध संघाने दुग्ध व्यवसायाला संघटीत स्वरूप देऊन शेतकऱ्यांना आर्थिक स्थैर्य दिले आहे. याचा राज्यातील इतर दूध संघांनी आदर्श घ्यावा असे गौरोद्गार जत मतदारसंघाचे (सांगली) येथील आमदार विक्रमसिंह बाळासाहेब सावंत यांनी आज गोकुळच्या ताराबाई पार्क ऑफिसमध्ये भेट दिली असता काढले.
      यावेळी दूध संघाच्या संकलन, मार्केटींग, पशुसंवर्धन या विषयावर आमदार विक्रमसिंह सावंत व संघाचे चेअरमन विश्‍वासराव नारायण पाटील यांच्यात चर्चा झाली.
      आ. सावंत यांचे स्वागत गोकुळ दूध संघाचे चेअरमन विश्‍वासराव नारायण पाटील व संघाचे माजी चेअरमन व जेष्‍ठ संचालक अरूण डोंगळे  यांनी केले. यावेळी जत दूध तालुका संघाचे संचालक युवराज निकम, धैर्यशील सावंत, अतुल मोरे, काका शिंदे व गोकुळचे अधिकारी उपस्थित होते.
———————————————–

Advertisement

Leave a Reply

Your email address will not be published. Required fields are marked *

error: Content is protected !!