“का रं देवा” चित्रपट ११ फेब्रुवारीपासून संपूर्ण महाराष्ट्रात

Spread the love


कोल्हापूर • प्रतिनिधी
     ग्रामीण पार्श्वभूमी असलेला व हृदयस्पर्शी आदर्शमय प्रेमकथा असलेला ‘का रं देवा’ हा चित्रपट येत्या ११ फेब्रुवारीपासून संपूर्ण महाराष्ट्रात प्रदर्शित होणार आहे. अभिनेत्री मोनालिसा बागल आणि अभिनेता मयूर लाड  यांच्या प्रमुख भूमिका आहेत. सकस कथा, दमदार अभिनेते, श्रवणीय संगीत अशा सर्वच अंगांनी उत्तम असलेल्या या चित्रपटावर प्रेक्षक पसंतीची मोहोर उमटेल यात शंकाच नाही, असे निर्माते प्रशांत शिंगोटे व दिग्दर्शक रंजीत जाधव यांनी पत्रकार परिषदेत सांगितले. यावेळी अभिनेत्री मोनालिसा बागल, अभिनेता मयूर लाड, किरण जाधव व सूरज चव्हाण उपस्थित होते.
      ते म्हणाले की, एका गावातील कॉलेजवयीन तरुण-तरुणीचं एकमेकांवर असलेलं प्रेम, सोबत घालवलेले क्षण आणि त्यानंतर त्यांच्या प्रेमकथेत निर्माण झालेले चढ-उतार अशी या चित्रपटाची कथा आहे. या कथेला जिमी, ड्रोनसारख्या तंत्रज्ञानाचा वापर करून केलेलं उत्तम छायाचित्रण डोळ्यांचे पारणं फेडते. सकस कथा, दमदार अभिनेते, श्रवणीय संगीत अशा सर्वच अंगांनी उत्तम असलेला “का रं देवा” चित्रपट प्रेक्षकांना नक्कीच आवडेल.
      सह्याद्री फिल्म प्रोडक्शनच्या निर्माते प्रशांत शिंगटे यांनी “का रं देवा” चित्रपटाची निर्मिती केली आहे. चित्रपटाची कथा आणि दिग्दर्शन रंजीत जाधव यांचे आहे. सुशांत माने, तानसेन लोकरे यांची गीते संदीप भुरे यांनी संगीतबद्ध केली असून श्रेयश आंगणे यांच पार्श्वसंगीत आहे. संकलन यश सु्र्वे यांनी केले आहे. गायक आनंद शिंदे, आदर्श शिंदे, मधुर शिंदे, डॉ.नेहा राजपाल, सुप्रिया सोरटे यांच्या आवाजात चित्रपटातील गाणी स्वरबद्ध करण्यात आली आहेत.
      अभिनेते नागेश भोसले, अरूण नलावडे, जयवंत वाडकर असे अनुभवी कलाकार तर टिकटॅाक स्टार सुरज चव्हाण आणि किरण जाधव, पल्लवी चव्हाण असे नवोदित कलाकार या चित्रपटात आहेत.

Advertisement

Leave a Reply

Your email address will not be published.

error: Content is protected !!