रस्त्यांच्या विकास कामाबाबत मंत्रालय स्तरावर बैठक: राजेश क्षीरसागर

Spread the love


कोल्हापूर • प्रतिनिधी
     कोल्हापूर महानगरपालिकेमार्फत महाराष्ट्र सुवर्ण जयंती नगरोत्थान महाअभियान (राज्यस्तर) योजने अंतर्गत नागरी दळणवळण साधनांचा विकास या अंतर्गत कोल्हापूर महानगरपालिका हद्दीमधील रस्ते, गटर, भुयारी मार्ग व फुटपाथ करण्याच्या कामांकरिता रु.१७८.९७ कोटींचा सविस्तर प्रकल्प अहवाल सादर करण्यात आला असून, याकामी नाम. एकनाथ शिंदे यांच्याकडे पाठपुरावा सुरु असून, यास मंजूरी देण्याबाबत शासन सकारात्मक आहे. त्यामुळे येत्या काही कालावधीत हा निधी मंजूर होण्याची शक्यता असून, याबाबत या आठवड्यात मंत्रालय स्तरावर बैठकीचे आयोजन करण्यात येणार असल्याची माहिती राज्य नियोजन मंडळाचे कार्यकारी अध्यक्ष राजेश क्षीरसागर यांनी दिली.
      याविषयी राजेश क्षीरसागर यांनी सांगितले की, कोल्हापूर महानगरपालिकेमार्फत महाराष्ट्र सुवर्ण जयंती नगरोत्थान महाअभियान (राज्यस्तर) योजनेअंतर्गत नागरी दळणवळण साधनांचा विकास याअंतर्गत कोल्हापूर महानगरपालिका हद्दीतील रस्ते, गटर, भुयारी मार्ग व फुटपाथ करण्याच्या कामांचा रु.१७८.९७ कोटींचा प्रस्ताव सादर करण्यात आला आहे. याबाबत नगरविकास मंत्री एकनाथ शिंदे यांच्याकडे पाठपुरावा सुरु आहे. गत महिन्यात याबाबत बैठकीचे आयोजन करण्यात आले होते परंतु, पूरस्थितीमुळे सदर बैठक स्थगित करण्यात आली. याबाबत पुन्हा पाठपुरावा सुरु असून, या आठवड्यात मंत्रालय स्तरावर बैठक आयोजित करण्याचे आश्वासन नगरविकास मंत्र्यांनी दिले आहे. यासह सदर निधी मंजूर करण्यास मंत्री सकारात्मक असून, सदर निधीद्वारे कोल्हापूर शहरातील रस्ते, गटर, भुयारी मार्ग व फुटपाथ यांचा सुनियोजित विकास करणे शक्य होणार असल्याची माहितीही त्यांनी यावेळी दिली.
——————————————————- 

Leave a Reply

Your email address will not be published.

error: Content is protected !!