दिग्गजांनी जागवल्या दिलीप कुमार यांच्या आठवणी

Spread the love

• सुभाष घई यांनी कू वर शेअर केले हळवे क्षण
  कोल्हापूर • प्रतिनिधी
     सिनेमाच्या दुनियेत आपल्या स्वतंत्र प्रतिभेने मुद्रा उमटवणारे अभिनेते म्हणजे दिलीप कुमार. दिलीप कुमार यांची ९९ वी जयंती सुभाष घई यांच्या इन्स्टिट्यूटमध्ये साजरी झाली.
     दिलीप कुमार यांना त्यांचे चाहते खूप मिस करत आहेत. सुभाष घई यांच्या इन्स्टिट्यूटमध्ये झालेल्या कार्यक्रमात दिलीप कुमार यांच्या पत्नी सायरा बानो आणि अभिनेता धर्मेंद्र यांनी स्मृतींना उजाळा दिला. सायरा बानो दीर्घ काळानंतर घराबाहेर निघाल्या. या कार्यक्रमात घई यांच्या ‘व्हिसलिंग वुड्स’मध्ये शिकणाऱ्या विद्यार्थ्यांनी दिलीप कुमार यांच्या पेंटिंग्जही बनवल्या.
      या कार्यक्रमाबाबत कू करताना सुभाष घई यांनी लिहिलं, आज व्हिसलिंग वुड्समध्ये आमच्यासाठी एक भावुक करणारा खास दिवस उजाडला होता. आम्ही आपल्याला सोडून गेलेले एक महान कलावंत दिलीप कुमार यांची जयंती साजरी केली. मी त्यांच्यासोबत ‘विधाता’, ‘कर्मा’, ‘सौदागर’ अशा सिनेमांमध्ये काम केले. आम्ही सगळेच दिलीप कुमार यांच्या कायम ऋणात असू…’
धर्मेंद्र हे दिलीप कुमार यांचे अतिशय जवळचे मित्र होते. सोबतच सायरा बानू यांनीही दिलीप कुमार यांनी आयुष्यभर सोबत केली. कार्यक्रमात या दोघांना सुभाष घई यांच्यासह सगळ्यांनीच अतिशय कुतुहलाने ऐकलं. धर्मेद्र आणि सुभाष घई बोलत होते तेव्हा सायरा भावुक झाल्या. दिलीप कुमार आणि सायरा यांच्या वयात २२ वर्षांचं अंतर असलं तरी दोघांमधलं प्रेम अतिशय अतुट होतं. दोघे तब्बल ५५ वर्षांचं सहजीवन जगले. 

Advertisement

Leave a Reply

Your email address will not be published. Required fields are marked *

error: Content is protected !!