अखंडित व दर्जेदार वीजपुरवठ्यासाठी ‘एक दिवस – एक उपकेंद्र’ मोहिमेची सुरुवात


कोल्हापूर • प्रतिनिधी
     वीजग्राहकांना अखंडित व दर्जेदार वीज पुरवठा मिळावा या हेतूने  कोल्हापूर जिल्ह्यातील हातकणंगले तालुक्यातील सावर्डे उपकेंद्रातून ‘एक दिवस – एक उपकेंद्र’ या उपकेंद्राच्या देखभाल दुरूस्ती मोहिमेस अधिक्षक अभियंता अंकुर कावळे यांचे हस्ते सुरूवात करण्यात आली.
      ग्राहकांना दर्जेदार व सुरळीत वीजपुरवठ्यासाठी महावितरण कटीबध्द आहे. कोल्हापूर जिल्ह्यातील सर्व ३३/११ केव्ही उपकेंद्रात ‘एक दिवस – एक उपकेंद्र’ ही मोहिम राबवून मान्सूनपुर्वी ती पुर्ण करण्यात येणार आहे. या मोहिमेत उपकेंद्रातील रोहित्रांची तपासणी, आर्थिंग तपासणी, ब्रेकरच्या दुरूस्तीसह इतर तांत्रिक कामे तसेच उपकेंद्राची साफसफाई व रंगरंगोटीची कामे करण्यात येणार आहेत, असे अधिक्षक अभियंता अंकुर कावळे यांनी मोहिमेच्या उद्घाटनप्रसंगी स्पष्ट केले. सर्व अधिकारी-कर्मचाऱ्यांना ही ग्राहकाभिमुख मोहिम यशस्वी करण्याच्या सुचना त्यांनी दिल्या.
      मोहिमेअंतर्गत सावर्डे उपकेंद्राच्या देखभाल दुरुस्तीचे काम पूर्ण करण्यात आले. यावेळी जयसिंगपूर विभागाचे कार्यकारी अभियंता मकरंद आवळेकर, उपविभागीय अभियंता सचिनकुमार जगताप, शाखा अभियंता विजय यादव, सागर हुजरे, संदिप वाघमोरे, शरद संकपाळ , युवराज इंदलकर, इरफान सनदे व गौरी कसबे यांच्यासह वडगाव उपविभागातील तांत्रिक कर्मचारी उपस्थित होते.

Leave a Reply

Your email address will not be published. Required fields are marked *