रिलायन्स रिटेल व्हेन्चर्स लिमिटेडकडून जस्ट डायलच्या ४०.९५% भागभांडवलाची खरेदी

• ३४९७ कोटींचा सौदा
कोल्हापूर • प्रतिनिधी
     अब्जाधीश मुकेश अंबानी यांच्या रिलायन्स रिटेल वेंचर्स लिमिटेडने (आरआरव्हीएल) जस्ट डायल लिमिटेडचे ​​अधिग्रहण करण्याची घोषणा केली. जस्ट डायलच्या ४०.९५ टक्के भागभांडवलासाठी कंपनी ३४९७ कोटी रुपयांची गुंतवणूक करणार आहे. व्हीएसएस मणी जस्ट डायलचे व्यवस्थापकीय संचालक व मुख्य कार्यकारी अधिकारी या नात्याने यापुढेही कार्यरत असतील.
     आरआरव्हीएलने दिलेले भांडवल जस्ट डायलच्या वाढ आणि विस्तारासाठी उपयुक्त असेल. जस्ट डायल त्याच्या स्थानिक व्यवसायांची सूची आणखी मजबूत करेल. जस्ट डायल त्याच्या व्यासपीठावर लाखो उत्पादने आणि सेवांच्या विस्तारावर कार्य करेल, ज्याद्वारे व्यवहारास प्रोत्साहन मिळेल. ही गुंतवणूक जस्ट डायलच्या अस्तित्त्वात असलेल्या डेटाबेसलाही आधार देईल. ३१ मार्च २०२१ पर्यंत, जस्ट डायलच्या डेटाबेसमध्ये ३०.४ दशलक्ष यादी होती आणि १२९.१ दशलक्ष युनिक युजर्स या तिमाहीत जस्ट डायल प्लॅटफॉर्म वापरत होते.
       या कराराबद्दल बोलताना आरआरव्हीएलचे संचालक ईशा अंबानी म्हणाल्या, रिलायन्स  व्हीएसएस मणी यांच्याबरोबर भागीदारी करण्यास उत्सुक आहे. ज्यांनी आपल्या व्यवसायातील कौशल्य आणि कार्यक्षमतेने मजबूत व्यवसाय बनविला आहे. जस्ट डायलमधील गुंतवणूकीमुळे आमचे कोट्यवधी भागीदार व्यापारी, सूक्ष्म, लघु आणि मध्यम उद्योगांसाठी डिजिटल इकोसिस्टम वाढेल आणि नवीन वाणिज्य क्षेत्राशी असलेली आमची वचनबद्धता अधोरेखित होईल.

Leave a Reply

Your email address will not be published. Required fields are marked *