ग्रामविकास मंत्री हसन मुश्रीफ केडीसीसीवर बिनविरोध

Spread the love


कोल्हापूर • प्रतिनिधी
     ग्रामविकास मंत्री हसन मुश्रीफ यांची केडीसीसी बॅंकेच्या पंचवार्षिक निवडणुकीत संचालक म्हणून बिनविरोध निवड झाली. कागल तालुका विकास सेवा संस्था गटातून त्यांचा एकमेव अर्ज राहिल्याने निवडणूक अधिकारी अरुण काकडे यांनी मंत्री श्री. मुश्रीफ यांना बिनविरोध घोषित केले. 
      या निवडीबद्दल पालकमंत्री व  गृहराज्यमंत्री सतेज पाटील, राज्यमंत्री डॉ. राजेंद्र पाटील-यड्रावकर, खासदार संजय मंडलिक, आमदार राजेश पाटील, माजी आमदार के. पी. पाटील, राष्ट्रवादीचे जिल्हाध्यक्ष ए. वाय. पाटील, बिद्री साखर कारखान्याचे संचालक प्रवीणसिंह भोसले, राजेश लाटकर, संभाजीराव भोकरे आदी प्रमुख मान्यवरांच्या हस्ते मंत्री श्री. मुश्रीफ यांचा सत्कार झाला.
       यावेळी मंत्री हसन मुश्रीफ म्हणाले, “गेली सहा वर्ष बँकेने फिनिक्स पक्ष्याप्रमाणे घेतलेली गरुडभरारी लौकिकास्पद आहे. शेतकरी सभासदांच्या विश्वासाचे फलित म्हणजे माझी बिनविरोध झालेली निवड आहे. सर्वसामान्य गोरगरीब शेतकऱ्यांच्या सर्वांगीण विकासासाठी अहोरात्र कार्यरत राहू.”

Leave a Reply

Your email address will not be published.

error: Content is protected !!